Schrijf je in voor de optocht 2017
  • Nieuws

    Vastelaovend 2020-2021

    12 oktober 2020

    Vastelaovend 2020-2021

    De Piëlhaas en D’n Hazekeutel prizzentieëre génne neeje Preens en schráppe alle groeëte ivvenemente.

    Áfgeloeëpe waek hebbe de Limburgse veiligheidsregio’s ángegaeve dat ‘r gén vastelaovesivvenemente georgenesieërd meuge werre, waorvur vergunninge nueëdeg zien.
    Dees beslissing òndersteune de twieë verieëneginge en zillie zun ‘r aege hiēr ok nor schikke.

    De Piëlhaas en d’n Hazekeutel viende dat de gezoondhejd van ieder meens âltied veuròp mòt bliēve staon en zeker nie ien gevaor gebrócht mugt werre.
    Daormit bevestege zillie ok offisjeel dat ’t vastelaovessejzoen 2020-2021 d’r vurgoēd ânders uut zal kòmme te ziēn.

    D’r zulle gén preenseleke trio’s en boēregezelscháppe geprizzentieërd werre en ‘r zulle gén groeëte festivitejte gón plátsviende ien Venroj.
    Naeve de uutwaerking den ’t het, òp de vastelaovesdaag, is ‘r dus ok zeker gén Circus Mök, Jeugdzitting, Roetsj en génnen òptòcht ien 2021.

    Dit sejzoen zulle wel de driej neeje vastelaovesliedjes uutgebròcht werre en zulle ‘r allerlejse ludieke áksies gedaon werre, zònder meensemassa’s òp te roēpe.
    Beej dees áksies zulle de leeje en sponsore van allebej de verieëneginge zeker nie vergaete werre en zal ’t thema Hâldtòw, dat de verieënginge umaermd hebbe sindert de vierusuutbraak, ok verder dit sejzoen uut bliēve drage:
    Blieft gezoond en…Hâldtòw!

    Terug