Schrijf je in voor de optocht 2017
  • {content_title}

    {content_content}

    Nieuws

    Vastelaovend 2022

    25 januari 2022

    Vastelaovend 2022

    Vastelaovesverieëneging De Piëlhaas en jeugdvastelaovesverieëneging D’n Hazekeutel hebbe beslote um dizze Vastelaovend gén neeje Preenseleke Trio’s uut te roēpe. Ok zal ‘r gén Boērebruudspaar en Jeugdboērebruudspaar wörre bekendgemákt en gón de geplande òptòchte ien Venroj nie dur. Dees beslissinge volge òp ‘n ieërder besluut, worbeej alle georgenezieërde binneáktivitejte zien áfgelâst. Òp dit memént kunne de verieëneginge gén waerdeg sezoen bieje án de Preens en Jeugdpreens en eur gevolg dur de ánhâldende ònzekerheeje vur de kòmmenden tied tot en mit Vastelaovend.

    De Piëlhaas en D’n Hazekeutel hope evvel wel um toch ienvulling te kunne gaeve án Vastelaovend 2022. De twieë verieëneginge zien same ovver de meugelekheeje ien gesprek mit horeca en gemaente Venroj. Ienmiddels is bekend dat de tredisjenieële vastelaovesmis òp zòndág 27 fibberwarie 2022 zal wörre uutgezoonde dur KRO-NCRV òp NPO2.

    Bejse verieëneginge viende ‘t van groeët beláng dat de tredisie ien Venroj ien stând wert gehâlde már zillie laote ok wieëte dat de vejleghejd en gezoondhejd van iederieën veuròp stöt.

    Blieft gezoond, lót de oeëre nie hánge en…Hâldtòw!

    Terug

    {content_title}

    {content_content}

    {content_title}

    {content_content}