Schrijf je in voor de optocht 2017
  • {content_title}

    {content_content}

    {content_title}

    {content_content}

    Nieuws

    Iris Reivers & Mikan Huppertz boerebruudspaar 2023

    16 januari 2023

    Iris Reivers & Mikan Huppertz boerebruudspaar 2023

    Weej zien ‘t boērebruudspaar van Rooj vur sezoen 2023! 

    En aendelek zien weej uut! 

    ‘t Begòs ânderhalf jaor geleeje mit de kemissie die beej Iris Reivers vur de deur stoont. Die zaag de vraog zeker nie ánkòmme, dus die is òp ur aller aller lángzaamst koffie gón zette en mòs efkes beejkòmme alvurres zeej ien volle ovvertūging jao kòs zegge òp dees rol. 

    Iris is gebore ien Nieuwegein en het Friese roots, en wònt nòw 15 jaor ien Venroj, umdat zeej tiejes ur studie ien Nimwege Jules Reivers tigge ‘t Limburgse lief liēp en is bliēve plekke :) Jommer genoeg het zeej ‘t dialekt nog nie gâns ònder de kneej, már ze het ur hárt wel án Venroj (en Jules) verlore!

    Dur um is zeej ángestoke mit ‘t vastelaovesvirus, mit as toppunt sezoen 2018, worrien Jules adjudânt was van Preens Roel II. 

    Ònderwiel hebbe Jules en Iris daochter Fien gekrege. Ien ‘t dágeleks laeve is Iris psycheloog, heldt ze van bootcamp, zinge, lekker aete, gezelleghejd en netuūrlek vastelaovend!

    Nó ur ‘jao’ wis zeej al gaaw hieël zeker dat ze Mikan Huppertz as brudegòm án ur ziej wooj. Mikan en Iris kenne mekaar nòw òngevaer 14 jaor, via Jules en Mikan zien vrow bute de vastelaovend, Janneke (teves getūge van de bruud). Mikan is gebore ien Maersel, is zelfstendeg òndernemer en het same mit Janneke twieë práchtege kiender, Loek en Tess. Heej heldt van (en kan!) bieësteg lekker koke (en aete), gezelleghejd, en zörgt dan ok riggelmaoteg dat iederieën beej mekaar kumt vur ‘n hépke (en o jao draenkske). 

    Mikan en Iris daele mojje vastelaovesherinneringe (mit ok minder mojje fotoos) en mit dees ieër um veuròp te gaon mit òs fantastiese femilie, hope we daor nog veul mojs án toe te voēge!

                                                            

    Terug

    {content_title}

    {content_content}