Nieuws

06 januari 2024

Yvonne Smits - Janssen & Djowie van der Sterren boerebruudspaar 2024

Yvonne Smits - Janssen & Djowie van der Sterren boerebruudspaar 2024

Hált òw kleump uut de kâst, trekt òw mojste pekske án, want de boērebrulleft kumt ‘r án!

Weej zien ‘t neeje  boērebruudspaar van vastelaovesverieëneging de Piëlhaas 2024. En aendelek zien weej uut en meuge weej dit gehejm mit òllie daele!

‘t Begòs ‘n half jaor geleeje mit de kemissie die beej Yvonne Smits- Janssen vur de deur stoont. Zeej zaag de vraog zeker nie ánkòmme, már wis al gaaw mit wie zeej dit fantastiese fieëst wooj gón viēre. De boērebrulleft is nie ònbekend  vur Yvonne want vruuger is zeej ok bruudje gewist mit de boērebrulleft òp Basesschól de Foekepot ien Venroj.

Yvonne Smits- Janssen laeft ien ‘t dageleks laeve same mit urre partner Guus Smits ien Venroj. Same hebbe zillie drie kiender en zien ze aoveral waor meziek en vastelaovend te viende is. Dees muzekale femilie is áktief binne verschejjene groepe zóas: MMSK St Petrus Banden en de Roojse Hofkapel.

Már netuūrlek wil zeej dit nie allieën doēn!

Nó ur ‘jao’ wis zeej al gaaw hieël zeker dat ze Djowie van der Sterren as brudegòm án ur ziej wooj.

Djowie en Yvonne kenne mekaar dur de bruūr van Yvonne want die zien al jaore goeje kámmeräöj van mekaar. Már as Yvonne en Djowie mekaar tegekòmme mit de Vastelaovend dreenke zillie d’r âltied enne same en prooste zillie òp ‘t laeve.

Djowie is ok génnen ònbekende binne de Roojse Vastelaovend. Ien 2008 was heej preens van de Hazekeutel.

Same mit zien vriendin Anne hebbe zillie ‘n jeungske van aacht mónd âld. 

Ien ‘t dagelekse laeve is Djowie áktief beej de vreejwillege brândwaer, Kemmissie Circus Mök en mekt heej de straote vejleg as pliesiekél.

Same mit òllie gón zillie ‘r enne fantastiese boērebrulleft van make.

Dit doen zillie ònder begelejjing van Òpperboēr Stef van Dijk!

Dizzen òpperkél stöt ok wel bekend as muzekaal zjenie binne en bute de Vastelaovend.

Heej is áktief beej de De Rosentaler en de Roojse Hofkapel.

Binne zien femilie geenge um al veul meense veur beej de boērebrulleft.

Zoeë was zien oma bruudje beej ‘t 11x3 jubeleejum van de Piëlhaas en zoeë zien bejs zien elders getūge gewist beej de boērebrulleft.

Dit fantastiese bruudspaar wert netuūrlek beejgestaon dur twieë  práchtege femilies.

Elders van de bruud: Ymke Sant en Joop Derks

Elders van de brudegòm: Anouk Denissen-Boonhof en Roel Hanen

Getūge van de bruud: Michelle Korsten en Eugenie Gerven

Getūge van de brudegòm: Wouter Janssen en Rik Janssen

Sjampieters: Anke Derickx en Sjoerd Michiels

Dit geweldege fieëst viēre zillie ònder eur motto: Laot ze klinke vandaag, en proost op de wermte van dees moije daag

Terug