Rooj Draejt Dur

De vastelaovesmóndág stöt tredisiegetrow ien ‘t taeken van de groeëten òptòcht. D’n Òptòcht trekt vanáf 13:11 uūr dur de straote van ‘t sentrum van Venroj. Enne fantastiese stoet van boonte ieënlinge, stelle, groepe en (preense)wages. Dūzende meense geniēte jaorleks van al ‘t mojs wat’r is geklojd, gebraojd en bedòcht.

Nó d’n òptòcht bárst ‘t fieëst los òp de plejne en ien de kefees mit òptreejes van La Bamba, Goed zat, Naachtwerk, Nevvenen en de Roojse Hofkapel.

‘t Fieëstpregrámmá
13:11 uūr  D’n groeëten òptòcht
17:44 uūr Priesuutrejking òp ’t Schowburgplejn
17:00 - 22:00 Fieëst op de plejne