ALV 6 nòvvember

Piëlhaze en Piëlhazinne,
Names de vurzitter van vastelaovesverieëneging De Piëlhaas nuuëdig ik òllie uut
vur de Algemaene leejevergadering òp vreejdág 6 nòvvember 2026, ánváng 20.33
uūr, beej Anno ’54.

Ágendá
1. Opening
2. Mitdaelinge
3. Ienkòmmende en uutgónde stukke
4. Netule 7 nòvvember 2025
5. Pregrám 2026-2027
6. Bestuūrswissel Algemaen Bestuūr:
Áftreeje Jorg Vermeulen, Benuming Rick Peeters (Kemissie S&P)
7. 8x11 jubeleejum
8. Kemissie Marcom
9. Huushâldelek riggelement
10. Caentekwesties
11. Kòntrebusie
12. Roondvraog
13. Sluting

Netule algemaene leejevergadering
Venroj, 7 nòvvember 2025, lekasie Anno ‘54

Opening
Vurzitter Frank Arts hiet iederieën van hárte welkòm. D’n ágendá wert hiērbeej vâstgesteld.
Mitdaelinge
Frank geft de áfmeldinge vur de ALV dur en richt ‘n spesjaal daankwoord án Vaorst Leon vur
al zienen ienzet en betròkkehejd as Vaorst van de Piëlhaas de áfgeloeëpe jaore.
8x11 Jubeleejum: dit viendt pláts ien ‘t laeste weekend van nòvvember 2026. De kemissie
die hiērvur òpgericht is, is volòp bezeg um ‘r ‘n fantasties weekend van te make.
Frank licht ien ‘t kort ‘t pregrámmá toew van dit bòmvolle fieëstweekend. Vanuut de SLV
spitse de meense zich ‘r òp um dan nor Venroj te kòmme.
SLV: Vaorst Leon en Frank zien nog nor de vergaderinge gewist. Dees stoonde vurral ien ‘t
taeken van vejleghejd/wagebow en de RIE (Risico-ienventarizasie en evalewasie).
Vaorsteraodsvergadering: de kaoste stiēge en daordur is beslote ântreej te gón heffe, € 5
per persoeën.
Horeka: Paul Rutten en Frank Arts zien nor òs samewaerkende párteeje gewist um Paul as
òzze neeje vurzitter te ientredusieëre.

Iengekòmme en uutgónde stukke
Ienkòmmende stukke: verschejjene fáktūre en uutnuuëdeginge van ândere
Vastelaovesverieëneginge.
Uutgónde stukke: verschejjene fillesetasie- en kòndeleejânskaarte.

Netule 8 nòvvember 2024
De netule werre goēdgekeurd en vâstgesteld.

Pregrámmá 2025-2026
‘t Pregrámmá 2025-2026 stöt vermeld ien de Praotmoes en wert vâstgesteld.

Bestuūrswissel DB en AB
De formieële bestuūrswissel viendt pláts òp 11-11 á.s. Zie hiērvur de ágendá van 7-11-2025
ien de Praotmoes. We zien wer gâns òp staerkte, suuksés vur alle bestuūrders.

Tiejes dees ALV wert Roel Janssen vurgedrage as Vicevurzitter, de ánwezege stemme hiēr
aensgezind mit ien.

Frank draagt ‘t stökske aover án Paul Rutten. Paul bedaankt Frank vur zienen ienzet de
áfgeloeëpe jaore as vurzitter van de Piëlhaas.

Vaorstwissel
Òp 14-11 á.s. viendt de Vaorstwissel pláts ien de Schowburg. Paul licht kort ‘t pregrámmá
van dizzen aovend toew. Moj um iederieën dan ok wer te ziēn.

Vurdrácht Senatore
De Senatore wille ennen neeje kandidaat vurdrage en dat is Frank Arts, ápplows volgt.
Fejn dat Frank betròkke blieft via de Senatore.

Statutewiēzeging
Dees voldoēn nòw án de áktewieële wetgaeving en zien òpgesteld dur enne jurist.
Vur ‘n besluut tot statutewiēzeging is ‘n mieërderhejd van tenminste minstes 2/3 van de
geldeg uutgebróchte stemme verejst ien ‘n ALV worrien tenminste minstes1/4 van de leeje
ánwezeg is. Ien ‘t geval dat nie 1/4 van de leeje ánwezeg is beej dit ágendápunt, ruupt ‘t
bestuūr hiērbeej beej vurbaot òp tot ‘n twedde ALV, te hâlde metieën nao de sluting van
dees vergadering mit as ennegste ágendápunt vermelde statutewiēzeging, waor ‘t besluut tot
statutewiēzeging kan werre genome mit ‘n mieërderhejd van 2/3 van de geldeg uutgebróchte
stemme, òngeácht ‘t ántal ánwezege leeje.

Hazekeutel
Jules Vullings is d’n neeje vurzitter van de Hazekeutel. ‘r Kumt hoe lánger hoe mieër
verbiending tusse de Piëlhaas en de Hazekeutel. Zoeë ok tiejes ‘t Lied van d’n Haas
áfgeloeëpe weekend. Dit gón we steeds wieër uutbowwe. Ok zal de Hazekeutel geziēn de
begroeëting ònder de Piëlhaas gón valle. We hebbe ‘r ‘t volste vertrowe ien dat de
Jeugdvastelaovend blieft bläöje en hiēr zien we dan ok aerg gröts òp!
De jeugdresépsie zal ánkòmmend vastelaovessezoen beej Anno’54 plátsviende, dit wert dan
enne spesjale jeugdaovend. De jeugdresépsie zal dus nie mer tiggeliek mit ‘t Trio
plátsviende òp de zòndág.

Kemissie Marcom
(Vurmaoleg) Projektgroep Marcom het zich áfgeloeëpe jaor vurnamelek gekònsentrieërd òp
‘t update van de automatizieëring beej VV De Piëlhaas. De vurnámste verneejinge zien: De
verhūzing nor Microsoft Office 365, worbeej de vurhin losse en òngestrukterieërde mailbokse
en bestânde werre heriengericht. Iedere kemissie kriegt ‘n aege peblieke emailpostbus
(zóas liedje@pielhaas.nl, sponsoring@pielhaas.nl), ‘n ientern Teams-kenaal vur
samewaerking mit groeps-emailádresse, en toegáng tot gedaelde OneDrive-umgaevinge mit
standaard kenale vur kòmmenekasie, dòkkemente, planning en árchief. Dit zörgt vur
kòntenuwetejt en kennisbehâld beej wisselinge van kemissieleeje, umdat alle e-mails en
bestânde sentraal werre òpgeslage. Dornaeve is ‘r ‘n HubSpot CRM-systeem
geïemplementieërd vur de kemissie Sponsoring (mit daank án Brechje van Nies en Charlotte
Voesten), wormit alle gegaeves van sponsore, kòntáktpersoeëne en kòntrákte
gestrukterieërd werre beejgehâlde, marketingkòmmenekasie kan werre bedreve en
sponsorgegaeves en vurkeure digitaal uutgevraogd kunne werre. ‘t Systeem zal uutaendelek
ok gekoppeld werre án de neeje website. Tot slot zien ‘r prosedures òpgesteld vur AVG-compliance en ‘n register mit verântwoordeleke. Dees stáppe ien digitale professjenalisieëring zörge vur effesjént samewaerke, kennesbehâld en ‘n toekòmstbestendege, AVG-proof orgenezasie. Hiērmit hewwe enne toekòmstbestendege slág geslage, daank án kemissie Marcom.

Finansieje
Frank Heldens nimt ‘t woord en licht de siefers toew.

De kaskòntraole is uutgevoerd dur Frank Claessens en Leon Jeucken. Zillie hebbe ienzaag
gekrege ien alle stukke en dees gekòntrelieërd. Nor ánlejjing daorvan is décharge verlend án
de penningmaester vur ‘t gevoerde belejd en vur ‘t prizzentieëre van de siefers.

Frank Claessens licht de kaskòntraole nog wieër toew.
Ien liekwiditejt veul baankraekeninge, dit brengt ok kaoste mit zich mit, dus hiēr ekstra òp
lette.

De Hazekeutel zal vanáf dit jaor mitgenome werre.

Sponsering göt goēd. Veul meense drage ‘n waerm hárt toew án de jeugd, schiens is daor
mieër te ginnerieëre.
Sponseringkaoste stiēge, wat gaeve we terug án de sponsore? Hiēr goēd ovver naodaenke.
Sponsere doede mit ‘n goej hárt.

Òptòcht, hiēr loeëpe we riezikoos, hoe láng kunne we d’n òptòcht zoeë nog bliēve
orgenezieëre. Hiērvur ivventewieël ‘n bedrág án de KER toewvoege um wer te ienvestieëre.
Òp nor wer ‘n moj vastelaovessezoen!

Paul Lutters, vurzitter Sponsoring voegt toew dat 1/3 dieël van de òpbrengste teruggegaeve
wert án de sponsore, dit is gereejelezieërd ien de begroeëting.

Roondvraog
Vaorst Leon: kan ‘t Trio ok nor de resépsie van ‘t Jeugdtrio geziēn ‘t pregrámmá?
Jao, hiēr is goēd ovver naogedòcht dus geregeld.
Sies: blief ándácht hâlde vur d’n òptòcht. Verzuūk um meense te bliēve betrekke en mit te
laote doēn án d’n òptòcht. Vaorst Leon geft án dat we iederieën âltied al òproēpe um mit te
doēn.
Zjurie òptòcht: stukske verkokering, ideej um ‘n zjurielid ten högste. 4 of 8 jaor lid te laote
zien. Dit zal teruggekoppeld werre richting de Kemissie.

Joop: urste jaor Senator; òptòcht ángesneeje, ‘t Bolderkár-trejékt van de Griēze Wiēze misse
we ien d’n òptòcht. Òp de schólle ònder de ándaacht te brenge.

Bart: de ekspletasie dur de horeka en de samewaerking mit de Piëlhaas löpt prima. Sindert ‘n paar jaor is Stichting Rooj Draejt Dur de orgenezator van de Roetsj en ‘t Iensjekke, de opening van de Vastelaovend zóas we die viēre ien ‘t Venrodse. Stichting RDD is daormit gasthieër vur de Roojse Vastelaovend en weej as verieëneginge, ònmisbare gaest. We zien de dragers van ‘t immaterejieël kulterieël aerfgoēd dá’wwe mit zien alle umaerme. Nòw laeft beej de Stichting RDD al ‘nnen tied de waens um dit ok nor bute toew uut te straole, we drage de Vastelaovend same, weej de kieps, Stichting RDD ‘t rieziko. Dat “same” wil RDD gaer mieër gón uutdrage en daorvur hebbe zillie iets mojs bedòcht. Stichting RDD geft alle verieëneginge van de Vaorsteraod ‘n unieke link um kaarte te kunne verkoeëpe vur de Roetsj en ‘t Iensjekke. Dizze link kunne alle verieëneginge, same mit ’n ántal pletjes die nog
òpgestuūrd werre, òp de socials zette. Vur ieder kártje dat betreffende verieëneging via dizze
link verköpt draagt Stichting RDD €1 áf.

Kars: names de Raod ‘n daankwoord vur Frank Arts.

Sluting 21.11 uūr

Paul bedaankt iederieën vur de ánwezeghejd.


Netule algemaene leejevergadering 2
Venroj, 7 nòvvember 2025, lekasie Anno ‘54

Opening
Um 21.11 uūr dur vurzitter Paul Rutten.

Statutewiēzeging Vastelaovesverieëneging De Piëlhaas  
De högtepunte uut de statutewēzeging zien durgenome tiejes de vergadering.
Alle ánwezege stemme hiērmit ien.

Pròssedūre statutewiēzeging
- Noterejieële kònseptákte van statutewiēzeging (vurberejd dur notaris).
Òproēping ALV (klaor).
- ALV (waor ‘t quorum nie geháld wert) direkt gevolgd dur ‘n twedde ALV òp
denzelfden datum (waor beslote mugt werre zònder quorumverejste)
- Besluut ALV (vurberejd dur notaris).  
- Pássieëre ákte van statutewiēzeging (notaris/bestuūrders).wiēzeging
- Dippenieëring statute bej Hândelsregister (notaris).

Roondvraog
Bert Janssen: Formieële bestuūrsleeje zien ‘t DB volges de statute. De bestuūrsleeje drage
‘n kieps, wat doen we nòw dan mit de kemissievurzitters die formieël nòw gén bestuūr zien
volges de statute (laes AB-leeje). Dees vraog zal teruggekoppeld werre richting vurzitter
kemissie Sirremonie & Pròttekol.
Sluting 21.33 uūr