Zó gröts as ‘nnen haas prizzentieëre weej òllie ‘t neeje bruudspaar van Vastelaovesverieëneging de Piëlhaas 2026: bruudje Tessa Jeuken en bruudegom Max Volleberg
Dit bieësteg mojje neeje bruudspaar wert begelejd dur Òpperboēr Sjoerd van Nies.
Same mit eur boērefemilies gón zillie dizze Vastelaovend òp de kop zette mit ‘t neeje trio van de Piëlhaas. Zillie hebbe de kleump gepâst, de pekskes zien gestreke en ze hebbe ‘r ònwiēs veul zin ien um mit òllie dit fieësje te gón viēre; de boērebrulleft!
Dit jaor viēre zillie de boērebrulleft ònder eur leus: "Alle haze groeët en klaen, plekke wies dinsdág same beején."
